Элдор ўтган йилги ишни такрорлай оладими?

Бугун Россия премьер-лигасининг учинчи тур учрашувида Элдор Шомуродов тўп сураётган “Ростов” Москвада “Динамо” жамоаси меҳмони бўлади.

Бу жамоалар шу кунга қадар ўзаро 50 маротаба куч синашган. Ана шу ўйинлардан 22 тасида москваликларнинг қўли баланд келган. “Ростов” 11 та ўйинда зафар қучган ва 17 та баҳсда ғолиб аниқланмаган.

Ўтган мавсумда жамоалар биринчи даврада “Ростов” майдонида куч синашди ва мезбонлар Ивелин Попов, Элдор Шомуродов ва Бахтиёр Зайнутдиновнинг голлари эвазига 3:0 ҳисобида ғалаба қозонган. Чемпионатнинг иккинчи ярмида “Динамо”ўз мухлислари кўз ўнгида 2:1 ҳисобида муваффақият қозонган.

Бу галги учрашув ҳам кескин ва муросасиз ўтиши кутилмоқда.

Ўйин Тошкент ваяти билан 21:00 да бошланади.