Элина Свитолина Брисбенда барчани лол қолдирди
Дунёнинг олтинчи рақамли теннисчиси украиналик Элина Свитолина “Brisbane International – 2018” турнирининг финалида беларуслик Александра Саснович билан баҳслашди.
Нуфузли турнирнинг финал учрашувда ўзаро рақобатлашган Элина ва Александра кортда бир соатдан бироз ошиқроқ теннис ўйнашди. Элина ўйин бошларидан кучли ва аниқ зарбалар йўллаб, якунда 6:2, 6:1 ҳисобида зафар қучди.
Шу тариқа Элина Свитолина финалда ғолиб чиқиб, 470 рейтинг очкоси ҳамда 190.732 АҚШ доллар миқдордаги пул мукофотини қўлга киритди.
Фикрлар