Эмилио Гомес АҚШда зафар қучди

Эквадор шарафини теннис мусобақаларида ҳимоя қилаётган Эмилио Гомес АҚШда ўтган теннис мусобақасида муваффақиятга эришди.

Таллахасси шаҳрида ўтган "Челленжер" мусобақаси финалида Эмилио америкалик Томми Полани ҳар иккала сетда бир хил 6:2 ҳисобида таслим қилди.

Шу тариқа турнир бош совринини қўлга киритган Гомес, ташкилотчилар томонидан 80 рейтинг очкоси билан бирга 7,200 АҚШ доллари пул мукофоти билан тақдирланди.