Энди навбат “Навбаҳор”га!

Бир неча мамлакатлар футбол клублари қишки ўқув-машғулот йиғинларини Туркияда ўтказмоқда. Бу ҳолат Ўзбекистон жамоаларига ҳам турли клублар билан синов-назорат учрашувларини ташкил этиш имконини беряпти.

Россия Премьер-лигаси вакили “Ахмат” Туркиядаги йиғин давомида Наманганнинг “Навбаҳор” жамоаси билан бўладиган ўртоқлик ўйинига тайёргарлик кўраётганини маълум қилди. Бу баҳс 21 январга белгиланган.

“Ахмат” футболчилари бунгача Қозоғистоннинг “Елимай” жамоаси билан куч синашиб, Светослав Ковачевнинг ягола голи эвазига ғалаба қозонди.

Туркияда ўқув-машғулот йиғини ўтаётган Наманган жамоасининг ўртоқлик ўйинларида омади чопмаяпти.

“Навбаҳор” футболчилари дастлабки ўртоқлик ўйинида Қозоғистоннинг “Қизилжар” жамоасидан 1:2 ҳисобида мағлубиятга учради. Наманганликларнинг ягона жавоб голига Азимжон Аҳмедов муаллифлик қилди.

Иккинчи назорат беллашувида “Навбаҳор” фуиболчилари Жанубий Африка Республигасининг “Гэлакси” жамоасига 0:5 ҳисобида имкониятни бой берди.

Наманганликлар ўтган мавсум Ўзбекистон Суперлигасини учинчи ўринда якунлаган эди. "Навбаҳор" Осиё Чемпионлар лигасидаги иштирокини ҳам давом эттирмоқда.