Энди улар керак эмас: “Барса” саккиз футболчидан воз кечишга қарор қилди

“Барселона” раҳбарияти жамоа Ла Лигада муваффақиятли иштирок этаётганига қарамай, ёзги трансферлар вақтида таркибда жиддий ўзгаришлар қилмоқчи.

Ханс-Дитер Флик халқаро миқёсда, хусусан Европа Чемпионлар лигасида бош соврин учун курашишга қодир жамоа шакллантиришга бел боғлаган.

Каталония клуби ўзининг молиявий аҳволидан келиб чиқиб, янги ижрочиларни олиш учун таркибдаги бир неча футболчилардан воз кечишига тўғри келади.

Сўнгги маълумотларга қараганда, мураббийлар штаби ўн нафарга яқин ўйинчининг кетишини кутяпти. Биринчилардан бўлиб клубни дарвозабон Иньяки Пенья тарк этиши анча олдин аниқ эди. Рональд Араухо ва Эктор Форт ҳам келаси мавсум учун ўзига янги жамоа топиши керак.

“Барселона” мутасаддилари Фермин Лопес, Гави, Пабо Торре, Френки де Йонг бўйича ҳар қандай таклифни кўриб чиқишга тайёр.

Бундан ташқари, ўйин амалиётисиз қолиб кетаётган Ансу Фатининг ҳам Каталониядаги келажаги мавҳумлигича қолмоқда. Клуб жўяли таклиф тушса, бу ўйинчини ҳам ушлаб қолмайди.