Эндрик АПЛга йўл олиши мумкин

Ёш бразилиялик ҳужумчи Эндрик қишки трансфер ойнасиданоқ «Реал» таркибини тарк этиши мумкин. Бу ҳақда TEAMtalk нашри хабар бермоқда.

Манбага кўра, футболчини ўз сафига қўшиб олишга Лондоннинг «Арсенал» жамоаси жиддий қизиқмоқда. Англия клуби январь ойидаёқ Эндрикни ўз таркибига қўшиб олишни режалаштираётгани айтилмоқда.

Маълумотларга қараганда, Эндрик Жозе Моуринью қўл остида майдонга тушаётган ўйинлари сонидан қониқмаяпти. У айнан шу сабабли жамоани ўзгартириш вариантларини кўриб чиқишга тайёр.

Шу билан бирга, «Арсенал»нинг дастлабки режаси «Реал»га Эндрикни маълум муддатга ижарага олишни таклиф қилишдан иборат. Энг муҳими, бу ерда тўлиқ сотиб олиш бандини шартномага киритмаслик варианти кўриб чиқилаётгани таъкидланмоқда.