Эндрик: "Сен феноменсан"

Эндрик Англия мағлуб этилганидан сўнг Винисиус Жуниорни "феномен" деб олқишлади. 

Кеча Бразилия терма жамоаси "Уембли"даги ўртоқлик учрашувида Англияни мағлуб этди. 

Ягона гол 80-дақиқада "Палмейрас"да тўп сураётган "Реал"га тегишли Эндрик томонидан киритилди. Винисиус яккама-якка вазиятдан фойдалана олмагач, Эндрик қайтган тўпни рақиб дарвозасига жойлаб қўйди. 

Ўйиндан сўнг 17 ёшли ҳужумчи Винисиуснинг инстаграм'даги аккаунтида уларнинг бирга тушган суратини жойлаб, "сен феноменсан", дея изоҳ қолдирди.