Эндрю Аспиналл: "Мени фақат Томнинг соғлиги қизиқтиради"

Оғир вазн тоифасида (120 кг) UFC чемпиони Том Аспиналлнинг отаси Эндрю Аспиналл ўғлининг карьерасини тугатишини истамоқда.

"Мени фақат унинг карьерасини қачон тугатиши ва соғлиги қизиқтиради. Том ҳали-ҳамон ўзини исботлашни хоҳлаяпти ва мен уни бу борада қўллаб-қувватлайман. Бироқ агар ўзи хоҳласа, эртагаёқ карьерасини якунлаши мумкин. Мен бундан афсусланмайман", — деди Эндрю Аспиналл "TNT Sports" га берган интервьюсида.

Эслатиб ўтамиз, 25 октябрь куни Абу-Дабида бўлиб ўтадиган "UFC 321" турнирида Том Аспиналл ўз камарини франциялик Сирил Гандан қарши ҳимоя қилади.