Энтони Гордон Жаҳон чемпионатлари тарихидаги илк рекордни ўрнатди

Англия терма жамоаси вингери Энтони Гордон Жаҳон чемпионатлари тарихида плей-офф баҳсида захирадан майдонга тушиб, иккита голли узатма берган илк футболчига айланди.
⠀
Бу натижа Жаҳон чемпионати 1/16 финалида Конго ДРга қарши кечган учрашувда қайд этилди. Англия 2:1 ҳисобида ғалаба қозонган баҳсда Гордон 61-дақиқада ўйинга қўшилди ва ҳар икки голда ҳам Харри Кейнга ассист муаллифи бўлди.
⠀
Эслатиб ўтамиз, Жаҳон чемпионати бошланишидан аввал Энтони Гордон "Ньюкасл"дан "Барселона"га 80 миллион евродан ортиқ маблағ эвазига кўчиб ўтган эди.