Энцо Фернандес: "Маресканинг кетиши жамоага зарба бўлди"

Энцо Фернандес "Челси" футболчилари Энцо Маресканинг истеъфосини тушунмаганини айтди.

Италиялик мутахассис жорий йил январь ойида лавозимидан озод этилган ва унинг ўрнини Лиэм Росеньор эгаллаган эди.

"Мен ҳам бу қарорни тушунмадим. Баъзида шундай ҳолатлар бўладики, биз футболчилар клуб нега бундай қарор қабул қилганини англай олмаймиз.

Албатта, мураббийнинг кетиши бизга таъсир қилди, чунки жамоамизнинг ўзига хос услуби бор эди.

Унинг ўйин модели доим жуда тушунарли эди — машғулотларда ҳам, ўйинларда ҳам. Унинг кетиши, айниқса мавсум ўртасида, жамоага жиддий зарба бўлди", — деди Фернандес.