Энцо Фернандес бош мураббийга "пахта қўйди"

«Манчестер Сити» ярим ҳимоячиси Энцо Фернандес жамоа бош мураббийи Энцо Марескага миннатдорлик билдирди.

Маълумки, италиялик мутахассис аргентиналик футболчини жамоага олиб келиш ташаббусини қатъий қўллаб-қувватлаган. Улар аввалроқ «Челси» таркибида бирга ишлаган. «Манчестер Сити» Фернандесни лондонликлардан 145 миллион евро эвазига сотиб олди.

«Мареска менинг «Манчестер Сити»га ўтишим учун қўлидан келган барча ишни қилганидан жуда хурсандман. Устозга жуда миннатдорман – у мен ва оилам учун катта иш қилди. Энди ҳар бир машғулот ва ҳар бир ўйинда майдонга 100 фоиз кучимни бериб тушаман, ишончни оқлаш учун боримни ишга соламан», – дея Фернандес сўзларини журналист Фабрицио Романо келтиради.

Сешанба куни янги трансфер «Манчестер Сити» сафида биринчи самарали ҳаракатини қайд этди: у Чемпионлар лигаси доирасида «Порту»га қарши баҳсда (2:0) Эрлинг Холланга голли пас берди.