Энцо Фернандес: «Скалонининг терма жамоада қолиши биз учун муҳим эди»

Аргентина терма жамоаси яримҳимоячиси Энцо Фернандес «альбиселесте» бош мураббийи Лионел Скалони ҳақида фикр билдирди.

«Скалони бу жамоани яратган инсон. Унинг қолиши биз учун жуда муҳим эди. Биз энг юқори даражада курашишда давом этамиз. Жамоа Лео Месси кетганини қабул қилиши ва ишни давом эттириши керак», – дея Фернандеснинг сўзларини ESPN Argentina келтиради.

Маълумки, Лионел Скалони 2018 йилдан бери Аргентина миллий жамоасини бошқариб келмоқда. Унинг қўл остида терма жамоа 2022 йилда жаҳон чемпиони бўлди, шунингдек, Америка кубогини икки бор қўлга киритди.

48 ёшли мураббийнинг амалдаги шартномаси 2026 йил декабри охирига қадар мўлжалланган.