Эрон - Ўзбекистон. Муҳим беллашув олдидан превью

Жаҳон чемпионати саралаш гуруҳ босқичининг навбатдаги турида Ўзбекистон миллий терма жамоамиз Эрон билан куч синашади.

Ўзбекистон 20 март куни Қирғизистонга қарши ўйинда 1:0 ҳисобида ғалаба қозонди.

Меҳмонлар сўнгги олти ўйинда кўп гол уришга қийналмоқда. Жамоа рақиб дарвозасига бешта тўп киритган ва бу учрашувларнинг иккитасида умуман гол ура олмаган.

Мураббий Тимур Кападзе дуранг натижа ҳам Жаҳон чемпионатига тўғридан-тўғри йўлланма олиш учун етарли бўлиши мумкинлигини билади. Сабаби, улар учинчи ўриндаги Бирлашган Араб Амирликларидан олти очко олдинда ва ўйналиши керак бўлган фақат иккита ўйин қолмоқда. Ғалаба эса деярли йўлланмани кафолатлайди.

"Оқ бўрилар" кетма-кет уч ўйинда мағлубиятга учрамаган - иккитасида ғалаба қозонишган. Эътиборли жиҳати охирги тўққизта ўйиннинг олтитасида ҳам зафар қучган.

Ўзбекистон сафардаги ўйинларда кучли натижа кўрсатмоқда: сўнгги 13 та меҳмондаги учрашувдан фақат иккитасида мағлуб бўлган ва саккиз марта ғалаба қозонган.

Эрон эса 20 март куни Бирлашган Араб Амирликларига қарши 2:0 ҳисобида ғалаба қозониб, 19 очко тўплади. Агар 16 очко билан иккинчи ўринни эгаллаб турган Ўзбекистон билан дуранг ўйнаса ҳам, автоматик равишда мундиалга йўлланмани нақд қилади.

Мезбонлар БААга қарши ўйинда катта устунликка эга бўлдилар. Сабаби, улар тўртта катта имконият яратиб, рақибларига ҳеч қандай имконият қолдирмади.

Эрон сўнгги баҳсларда рақиб дарвозаси олдида ажойиб ўйин кўрсатмоқда. Буни жамоа сўнгги тўрт ўйинда 12 марта дарвозани ишғол қилганидан сезиш мумкин.

10 октябрь куни Ўзбекистонга қарши бўлиб ўтган ўйинда Амир Ғаленойи жамоаси дуранг ўйнади. Бироқ, жамоанинг 57-дақиқадан кейин баҳсни 10 киши билан давом эттириб, очко олишга эришгани таҳсинга сазовор.

Эрон ўз майдонида ҳам ажойиб натижалар кўрсатмоқда. Улар ўз майдонида кечган сўнгги 15 та ўйиннинг 13 тасида ғалаба қозониб, бир марта мағлуб бўлган.

Шундай экан, "Озоди" стадионида бўлиб ўтувчи Эрон - Ўзбекистон қарама-қаршилиги саралаш босқичи навбатдаги турининг марказий баҳсларидан бири бўлади. Нафақат икки давлат мухлислари, балки футболсевар барча осиёлик мухлисларнинг эътибори қаратилувчи ушбу тўқнашувда жамоаларнинг ҳаракатларига мос натижа кутиб қоламиз.

Эслатиб ўтамиз, икки клуб ўртасидаги бўлажак тўқнашув 25 март куни Тошкент вақти билан 21:00 да старт олиши режалаштирилган.