Eshkak eshish bo‘yicha Osiyo chempionatining yana bir kuni ortda qoldi

Samarqandda o‘tayotgan akademik eshkak eshish bo‘yicha Osiyo chempionatining yana bir kuni ortda qoldi. Dasturga muvofiq, ushbu kunda ham saralash bosqichidan o‘rin olgan bahslar o‘tkazildi.

Quvonarlisi, musobaqaning dastlabki kunida startga chiqqan 9 ekipajdagi hamyurtlarimizning barchasi muvaffaqiyatli ishtirok etib, A klass finaliga yo‘llanma olishdi. Endi ular 13 oktyabr kuniga qadar musobaqa dasturidan o‘rin olgan poygalarda medallar uchun kurash olib borishadi.

Barcha bellashuvlarda sportchilarimizga omad va zafarlar tilab qolamiz.