"Евро-2020". Очилиш ўйинида Италия Туркия устидан йирик ҳисобда зафар қучди

Европа чемпионати 1-туридан ўрин олган илк учрашув ўз якунига етди. Унда Италия Туркия устидан 3:0 ҳисобида ғалаба қозонди.

Дастлаб, 53-дақиқада туркияликлар ҳимоячиси Мерих Демираль ўз дарвозасини ишғол этиб қўйди. Бу "Евро-2020"нинг дастлабки голи сифатида тарихга кирди. Орадан кўп ўтмай, Чиро Иммобиле орадаги фарқни оширган бўлса, Лоренцо Инсинье ҳисобни йирик кўринишга келтирган аниқ зарбани йўллади.

Шу тариқа, Манчини шогирдлари қитъа биринчилигини йирик ҳисобдаги ғалаба билан бошлади.

• 90+3'
  

  Учрашув якунланди. Италия Европа чемпионатини ғалаба билан бошлади!

• 90+2'

  Ўйин сўнгини жамоалар пиёда юриб ўтказмоқда. Темп анча паст.

• 90'
  

  Ўйиннинг асосий вақтига 3 дақиқа қўшилди.

• 88'
  

  Иккинчи қаватаги тўп учун курашда Бернардескига нисбатан қоида бузган Суюнжу огоҳлантирилди.

• 85'
  

  Доменико Берарди ўз ўрнини Федерико Бернардескига бўшатиб берди.

• 83'

  Ўйин темпи пасайди. Туркия тақдирга тан бергандек кўринмоқда.

• 81'
  

  Ўйин тақдирини ҳал этган Италия сафида ўзгариш: Инсинье ва Иммобиле ўрнига Кьеза ҳамда Белотти ўйинга қўшилди.

• 79'
  

  ГОООООООООЛ! Ҳисоб йирик кўринишга келмоқда!

  Жарима майдони ичидан зарба берган Инсинье дарвозанинг узоқ бурчагини аниқ нишонга олди.

• 76'
  

  Ҳужумда омади келмаётган турклар ҳужумчини алмаштирди: Кенан Караман ўрнига Халил Дервишўглу ўйинга қўшилди.

• 74'
  

  Локателли ўз ўрнини Кристантега бўшатиб берди.

• 72'

  Қарши ҳужумларда ўз омадини синаётган итальянлар хавф туғдира олмоқда. Бу сафар Берарди жарима зарбаси ишлади.

• 70'

  Сўнгги дақиқаларда номинал мезбонлар устунлик намойиш этмоқда. Аммо аниқ зарбадан дарак йўқ.

• 68'

  Турклар ўз ўйинига фаоллик қўшгани яққол сезилиб турибди.

• 66'
  

  ГООООООООЛ! Италия ҳисобдаги фарқни иккитага етказди.

  Жарима майдони ичида тўпни қабул қилиб олган Чиро аниқ зарбаси билан дарвозабонни ожиз қолдирди.

• 65'
  

  Турклар сафида икки ўзгариш юзага келди: Туфаан ва Йокушлу ўрнига Айхан ҳамда Кахвечи ўйинга қўшилди.

• 63'

  Тўп назорати Шенол Гюнеш шогирдлари томонга ўтмоқда. Энди Италия қарши ҳужумда ҳаракат қиляпти.

• 61'

  "Скуадро Адзурра" жарима майдонига яқин ҳудудда стандарт вазиятга эга бўлди.

• 59'

  Доменико Берарди яқин масофадан ноаниқ зарба йўллади.

• 58'
  

  Локателлининг жарима майдони ташқарисидан берган зарбасини Чақир қайтариб юборди.

• 56'

  3 рақиби қуршовида қолиб кетган Инсиньенинг зарбаси дарвозага қадар етиб бормади.

• 54'
  

  Чиро Иммобиленинг кучли зарбасидан кейин дарвозабон хавфни бартараф этди.

• 53'
  

  ГОООООООЛ! Италия кутилганидек ҳисобни очди!

  Берардининг ўнг қанотдан оширган тўпини Демираль ўз дарвозасига киритиб юборди.

• 52'

  Ченгиз Ундернинг ўткир бурчакдан йўллаган зарбасини Доннарумма ушлаб олди.

• 51'
  

  Умут Мерашга тиббий ёрдам кўрсатилмоқда.

• 49'

  Бугун ҳакам кичик эпизодларга ортиқча эътибор қаратмаяпти.

• 47'

  Италияликлар бурчак зарбасини ўйинга киритишда хатога йўл қўйди. Тўп туркларга қайтариб берилади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Биринчи таймда ҳисоб очилмади. Танаффус!

• 45'
  

  Биринчи таймга 1 дақиқа қўшилди.

• 45'

  Тўп жарима майдони ичида туркиялик ҳимоячининг қўлига тегди. Ҳакам яна ўйинни давом эттиришга изн бермоқда.

• 44'

  Йилмаз жарима майдони ичида йиқилиб тушди. Ҳакам ўйинни давом эттиришга рухсат берди.

• 42'

  Иммобиленинг яқин масофадан берган зарбасини дарвозабон эгаллаб олди.

• 40'

  Италияликларнинг босими давом этмоқда. Рақиб бўш келмоқчи эмас.

• 37'

  Лоренсо Инсиньенинг жарима майдони ташқарисидан йўллаган зарбасини дарвозабон ушлаб олди.

• 35'

  Номинал мезбонларнинг камсонли ҳужумларидан навбатдагиси бесамар якунланди.

• 33'

  Иммобиле жарима майдони ичидан бош билан зарба берди. Тўп устун ёнидан ўтиб кетди.

• 31'

  Инсиньенинг зарбаси ҳимоячилардан ўтмади. Туркия ҳимояси ишончли ҳаракат қиляпти.

• 30'

  Ўз имкониятларидан унумли фойдалана олмаган итальянлар темпни бироз пасайтиришга мажбур бўлди.

• 28'

  Барелланинг жарима майдонига оширган тўпи узоқлаштирилди.

• 26'
  

  Бурак Йилмаз воқеалар ривожидан бироз илгарилаб кетди. Рефери хуштагини чалди.

• 25'

  Турклар тўпга эҳтиёткорлик билан муомала қилмоқда. Италиядан тўпни олиб қўйиш осон кечмаяпти.

• 23'
  

  Италиянинг босими давом этади. Бу сафар Бонуччи офсайдда қолиб кетди.

• 22'
  

  Кьеллинининг бош билан йўллаган зарбасидан кейин Туркия дарвозабони ажойиб сейв намойиш этди.

• 21'

  Иммобиленинг кучли зарбасидан кейин тўп Суюнжунинг қўлига тегди. Бироқ ҳакам вазиятни пенальтига тортмайди, деб топди.

• 20'

  Леонардо Бонуччининг олис масофадан берган зарбасига аниқлик етишмади.

• 18'

  Жарима майдони ичидан зарба берган Инсинье мўлжалда адашди.

• 16'

  Манчини шогирдлари рақибни жарима майдонига қамаб қўйди. Уларни штурми узоқ давом этмоқда.

• 14'

  Доменико Берарди яна ўз қанотида фаоллик кўрсатди. Аммо бу сафар ҳам вазият муваффақиятсизлик билан якунланди.

• 12'

  Чалханўглу ҳужумда Бареллага нисбатан қоида бузди. Тўп итальянларга қайтариб берилади.

• 11'

  Бурак Йилмазнинг узатмасига шерикларидан ҳеч ким ета олмади.

• 9'

  Ҳозирча, номинал меҳмонлар нисбатан фаолроқ ўйин кўрсатмоқда. Манчини шогирдлари қанотлардан яхши фойдаланяпти.

• 7'

  Берарди қулай позицияга чиқиб боришига Суюнжу йўл қўймади. Устига устак, дарвозабон олдинга чиқиб тўпни эгаллаб олди.

• 6'

  Тўп назорати ҳамон "скуадро адзурра" томонда бўлиб турибди. Турклар прессингда.

• 4'

  Берардининг узатмасидан кейин Иммобиле ноаниқ зарба йўллади. Бироқ киришиб олиш учун ёмон вазият бўлмади!

• 2'

  Илк дақиқалардан тўп назорати италияликларда бўлиб турибди. Улар нисбатан фаол старт амалга оширди.

• 1'
  

  Ўйин бошланди!

• 0'

  Футболчилар майдонга тушиб келди. Узоқ кутилган Евро стартига бир неча сониялар қолмоқда!