"Evro-2024". "Sahna ortidagi" qahramon!

Bu safargi Evropa chempionati bizga xaqiqattan xam bir qancha olamshumul voqealarni taqdim etib bermoqda.

Hususan, eng yaxshi to‘purar maqomida 9 ta gol bilan kutilmaganda “avtogollar” borayotgan bo‘lsa, 16 yoshli Lamin Yamal evrolar tarixidagi eng yosh assistentga aylanib ulgurdi. 

Yana bir antiqa ko‘rsatkich esa Gruziya darvozaboni Georgi Mamardashviliga tegishli. "Opta" nashri xisob-kitoblariga ko‘ra, gruzinlar posboni bir Evropa chempionatida amalga oshirilgan seyvlar soni bo‘yicha ikkinchi o‘ringa ko‘tarilib oldi. U joriy turnirda darvozasi tomon yo‘llangan 30 ta zarbani qaytarishga mavaffaq bo‘ldi. Rekord esa rossiyalik golkiper Igor Akinfeevga tegishli. U 2008 yilgi turnirda 32 ta seyv amalga oshirgan edi.