Евро. Амалдаги чемпионлар ҳали мағлубиятга учрамаган Швейцарияга қарши (превью)

Хорватияга қарши гуруҳдаги сўнгги ўйинида Маттиа Закканьининг драматик сўнгги зарбаси билан "азурри" плей-офф босқичига йўл олди ва энди улар нимчорак финалида Швейцария билан тўқнаш келишмоқда.

Лучано Спалетти шогирдлари ҳали бу турнирда катта ҳисобда ғалаба қозонгани йўқ. Хорватияга қарши ўйиндагидек, Италия Албания устидан кичик ҳисоб билан зафар қучди. Шу билан бирга, Испаниядан оғриқли мағлубиятни ҳам қабул қилиб олди. Бу эса жамоага бўлган ишончни камайтиради, лекин италияликлар айнан плей-офф босқичида ўз кучини кўрсата олади. Жамоани сўнгги марта Германия 2016 йили бу босқичда таслим қила олганди. 

Швейцария ҳозирча мағлубиятсиз қолмоқда. Биринчи ўйинда Венгрия устидан қозонилган ишончли ғалаба, кейинги ўйинда Шотландия билан 1:1 ҳисобида дуранг ўйнади. Мурат Якин шогирдларига гуруҳнинг сўнгги ўйинида мезбон Германия билан муроса кўчасини танлаб, иккинчи ўринда қолди.

Барча мусобақалар бўйича сўнгги бешта ўйинда мағлуб бўлмаган швейцарияликлар 1993 йилдан бери Италияни мағлуб эта олмаётган бўлса-да, сўнгги олти учрашувнинг бештасида дуранг натижа қайд этилган.Томонлар ўртасида бўлиб ўтган сўнгги учрашув 2021 йилнинг ноябрь ойида Римдаги “Олимпико” стадионида 1:1 ҳисобидаги дуранг эди. 

Тахминий асосий таркиблар:

Италия: Доннарумма; Дармиан, Бастони, Манчини, Ди Лоренцо; Фагьоли, Эл Шаарави, Барелла, Кристанте, Кьеса, Скамакка

Швейцария: Зоммер; Родригес, Аканжи, Шар, Эбишер, Фройлер, Жака, Стеригоу; Ндойе, Варгас, Эмболо.