Европа клуби Рэшфордга таклиф тайёрламоқда

«Манчестер Юнайтед» ҳужумчиси Маркус Рэшфорд фаолиятини «Фенербаҳче»да давом эттириши мумкин.

Туркиянинг машҳур клуби англиялик футболчи бўйича расмий таклиф тайёрлаётгани хабар қилинмоқда. Бу ҳақда Transfer News Live нашри Fanatik манбасига таяниб ёзди. Маълумотларга кўра, «Фенербаҳче» раҳбарияти «қизил иблислар» билан келишувни имкони борича тезроқ якунлашни мақсад қилган.

Маркус Рэшфорд ўтган мавсумни «Барселона» таркибида ижара асосида ўтказган эди. Бироқ каталонияликлар 28 ёшли футболчини тўлиқ сотиб олиш имконини назарда тутувчи банддан фойдаланмасликка қарор қилди. Transfermarkt портали баҳосига кўра, ҳужумчининг трансфер қиймати 40 миллион евро атрофида.

«Фенербаҳче» ўтган мавсум Туркия чемпионатида иккинчи ўринни эгаллаб, чемпионликни «Галатасарай»га бой берган эди.