Фабрегас: "АПЛга қайтиш режаларимда бор"

Италиянинг "Комо" клуби бош мураббийи Сеск Фабрегас келажакда Англия чемпионатига қайтишни истисно қилмаслигини айтди.

"АПЛ — дунёдаги энг яхши лига. Мен бу ҳақда ҳар доим очиқ гапирганман. Бундан футболчи сифатида ҳам, мураббий ва мухлис сифатида ҳам шундай ҳис қиламан.

Жозе Моуриньо бир пайтлар менга "Челси"да эканимда: “Менда яна 30 йил ишлаш имкони бор”, деган эди. Демак, мен бу ерда ("Комо"да) 10 йил ишлаб, кейин барибир АПЛга боришим мумкин. Футбол жуда олдиндан айтиб бўлмайди — ҳаммаси бир сонияда ўзгариши мумкин. Бугун сен энг яхшисан, эртага эса аксинча бўлишинг мумкин. Келинг, ҳозирги ондан завқ олайлик ва келажакни кутиб турамиз", — деди мутахассис.

Фабрегас шунингдек, ўз услубига ҳам тўхталиб ўтди: "Мен қандай ҳис қилсам, шундай ишлайман. Мен футболни яхши кўраман. Фақат натижа учун мураббийлик қилиш — мен учун эмас. Менинг ўз қарашларим бор".

35 турдан кейин "Комо" Италия чемпионати жадвалида 5-ўринни эгаллаб турибди. Жамоа ҳисобида 62 очко мавжуд, "Ювентус" эса ундан 3 очкога олдинда бормоқда.