Фабрегас жамоани кучайтиришни бошлади

"Комо" келаси мавсумда А Серияда иштирок этишидан хабарингиз бор.  "Кўклар" ўтган мавсумда Италия Б Сериясида 2-ўринни эгаллади ва юқори лигага тўғридан-тўғри йўлланмани қўлга киритди. 

Сеск Фабрегас ўтган мавсумда "Комо"да ёрдамчи мураббий бўлиб ишлади, собиқ испаниялик футболчи янги мавсумдан клубнинг бош мураббийи бўлади. Фабрегас 2024/25 йилги мавсум учун таркибни кучайтиришни бошлади. А Серия дебютанти "Рома" ҳужумчиси Андреа Белотти билан келишувга эришди. Тез орада трансфер расман эълон қилиниши кутилмоқда.

Эслатиб ўтамиз, Белотти "бўрилар" сафида ўйин амалиётисиз қолиб кетгани учун 2024 йилни ижарада ўтказганди. 30 ёшли ҳужумчи 46 ўйинда майдонга тушиб, 10 гол киритиб, 2 голга ҳаммуаллифлик қилди.