Фабрегас охир-оқибат Лондон клубини бошқаришни ният қилмоқда

"Арсенал"нинг собиқ футболчиси Сеск Фабрегас келажакда айнан шу клуб бош мураббийи бўлишни мақсад қилган.

Кавех Солхекол "Sky Sports Transfer Talk Podcast" дастурида маълум қилишича, "Комо" жамоасини ҳозирда бошқариб турган Фабрегас узоқ муддатли режада бир кун келиб "Арсенал"ни бошқаришни хоҳлайди.

Шу билан бирга, мутахассис унинг келажакда "Челси" клубини бошқариш эҳтимоли паст эканини ҳам таъкидлаган.

Авалроқ ОАВда "Челси" Фабрегасни ёзда бош мураббий этиб тайинлаш вариантини ҳам кўриб чиқаётгани ҳақида хабарлар тарқалган эди.

Фабрегас футболчи сифатида 2014–2019 йиллар оралиғида "Челси" сафида ўйнаган.