Фаолиятини якунлаганига 8 йил бўлган Адриано хайрлашув учрашувини ўтказмоқчи

Фаолиятини амалда якунлаганидан саккиз йил ўтиб бразилиялик Адриано хайрлашув учрашувини ўтказишга қарор қилди.

Ўз даврининг етакчи ҳужумчиларидан бўлган Адриано фаолиятининг энг яхши даврини ўтказган "Интер" раҳбариятини бундай ташаббусга кўндирмоқчи. "Интер"нинг хайрлашув учрашувидаги рақиби Бразилиянинг "Фламенго" жамоаси бўлади ва ўйин 42 ёшли Адриано режалаштирганидек, машҳур "Маракана" стадионида бўлиб ўтади.

Ушбу учрашувнинг тахминий санаси жорий йилнинг 15 декабрь бўлиши айтилмоқда. Адриано ушбу баҳсда иккала жамоа либосида биттадан тайм ўтказади.

"Фаолиятимни бир неча йил олдин якунлаган бўлсам ҳам, бу ўйин менга керак", - деди футболчи Globo Esporte нашрига берган интервьюсида.