Фаррухбек Мухторов - "Локомотив" футболчиси

"Локомотив" навбатдаги трансферни эълон қилди. Фаррухбек Мухторов "темирйўлчилар" аъзосига айланди. 

"Янги мавсумга тайёргарлик кўраётган "Локомотив" ўз сафини ҳужумкор ярим ҳимоячи билан тўлдирди. Охирги беш мавсумни "Олмпик" таркибида ўтказган Фаррухбек Мухторов "темирйўлчилар" билан шартнома имзолади.

Маълумот учун, Фаррухбек Мухторов 2002 йилнинг 16 март санасида туғилган. Бўйи 172 см. Вазни 70 кг. Майдонда фаоллиги, чиройли тўп узатиши ва гол уриши билан ажралиб туради. Бундан ташқари ҳам ҳужумчи ортида, ҳам қанотда бирдек ўйнай олади", - дейилади хабарда.