Файзуллаев “Барселона”да ўйнамоқчи...

Ўзбек футбол мактаби тарбияланувчиси Аббосбек Файзуллаев август ойида “Пахтакор”дан ЦСКАга кўчиб ўтган эди. Легионеримиз айни пайтда Россия Премьер-лигасининг энг омадли трансферларидан бири сифатида эътироф этилмоқда.

Аббосбек ЦСКАнинг чемпионатдаги охирги бешта учрашувидан учтасида ўйиннинг энг яхши футболчиси совринини қўлга киритди.

Легионеримизнинг ёрқин ўйини туфайли https://bobsoccer.ru сайти Файзуллаев билан интервью уюштирди.

Ўзбек футболи ишқибозлари эътиборига ушбу суҳбатни ҳавола этамиз.

- Премьер-лиганинг ўтган турида рақиблар энг кўп сизга нисбатан ўйин қоидасини бузди. Сизга алоҳида эътибор қаратишаётганини ҳис қиляпсизми? Рақиблар томонидан қўлланилаётган турли провокацияларга тушиб қолмаслик учун ўзингизни қандай тайёрлаяпсиз?

- Ҳар доим менга нисбатан кўп фол ишлатишади, оёғимга кўп тепишади. Ҳаммаси болалигимдан бошланган ва ҳозиргача давом этмоқда. Рақблар менга қарши ҳаракатланишга улгурмай қоллади ва қоидани бузади.

Мен ўзимни бундай ҳолатларга тайёрман, деб ўйлайман. Бу ёқимсиз вазият, аммо унга босиқ муносабатда бўлиш кераклигини тушунаман. Футбол шунақа. Ҳамма ютиш, курашиш истагида ўйнайди.

- ЦСКА қизиқаётганидан хабар топгунингизча Россия чемпионатини кузатиб борармидингиз? Сир бўлмаса, қайси жамоага мухлислик қилгансиз?

- Россия футболини томоша қилардим. Лекин ЦСКАга ўтгунга қадар ҳеч қайси жамоага алоҳида ишқибозлик қилмаганман. Бу ерда Элдор Шомуродов ва Одил Аҳмедов тўп тепган ва мен уларнинг иштирокини кузатардим. Шомуродов ўйнагани учун “Ростов”га кўпроқ эътибор қаратганман.

- ЦСКА таркибидаги футболчилардан қай бири сизга ёқади ва нима учун?

- Мен ҳар доим Игорь Акинфеев ёққан. ЦСКА афсонаси! Мен жаҳон чемпионатида Акинфеев Испания билан ўйинда пенальтини қайтариб, Россия терма жамоасининг чорак финалга чиқишига ёрдам берганини кўрганман.

- Жаҳон футболи юлдузларидан ким ўз ўйини билан сизга ўрнак бўлган? Хориж клубларидан қайсиларига мухлислик қиласиз?

- Болалигимдан “Барселона” ишқибозиман ва ўйинларини томоша ққиламан. Лионель Месси кумирим. Ўйин услуби жиҳатидан Филипе Коутиньо ҳам ёқади. “Барселона” севимли жамоам. Мен ҳач қачон “Камп Ноу”да бўлмаганман, лекин  келажакда ўша ерда ўйнашни истайман. Шунга интиламан.

Умуман олганда, ҳозир бу ҳақда гапиришнинг мавриди эмас. Айни пайтда ЦСКАга мослашиб олдим ва шу ерда ўйнашни ҳохлайман ва бор эътиборимни жамоага ёрдам беришга қаратганман.

- Футболчи сифатида қайси хусусиятларингизни ўзингизнинг кучли томонингиз деб биласиз ва яна нималар устида ишлашингиз керак?

- Кучли жиҳатим тўп билан ишлаш. Жисмоний қувват ва яккакурашларда имкониятимни оширишим устида ишлашим керак. Россия футболида кураш кўп, бунга кўникиш керак, мана шуниси билан бу чемпионат мураккаб.

- ЦСКА асосий таркибига бу қадар тез ёриб киришингизга нима сабаб бўлди? Шунингдек, бу ёшда ўзингизга бунчалар ишонишни қандай уддалаяпсиз? Эндигина 20 ёшга қадам қўйдингиз-ку.

- Асосий сабаби бу ерда яхши жамоа жамланганида. Йигитлар мени жуда зўр қабул қилишди, ҳамма нарсада ёрдам беришди, бунинг учун уларга катта раҳмат.

Бундан ташқари, рус тилини билиўим жуда катта роль ўйнади. Эркин мулоқот қила олиш,  жамоага  тезроқ қўшилиб кетишга кўпроқ имкон беради.

Ўзбекистонда одамларнинг аксарияти рус тилини яхши билади, мактабларда ҳали ҳам рус тили ўргатилади. Қўшимчасига, мен “Пахтакор”да улғайганман. Мураббийимиз русча гапирарди. Бошида бу тилни яхши билмаганман, кейин таҳсил жараёнида ўрганиб олди.

Ўзимга бўлган ишонч эса, характеримнинг қирраларидир.

- Қай бири кўпроқ қувонтиради: ўзингиз гол уришингизми ёки чиройли голли пас узатишми? Яна юлдузлик касалига учрашдан қўрқмайсизми, чунки кўпгина ёш футболчилар ёрқин дебютдан кейин ўзини йўқотиб қўяди?

- Гол уриш жуда ёқади, лекин лекин голли паслар ҳам завқ бағишлайди. Энг асосийси, ҳаракатларим ЦСКА ғалабасига ёрдам бериши.

Ғалаба қозониш муҳим, чунки биз ўз мухлисларимизни имкон қадар кўпроқ хурсанд қилишни истаймиз. Қўллаб-қувватлаётганлари учун уларга катта раҳмат. Бу бизга жуда қўл келади.  Ҳаммани “Краснодар” билан бўладиган ўйинга таклиф қилиб қоламан.

Саволингизнинг иккинчи қисмига ишонч билан  менда юлдузлик касали йўқлигини ва ҳеч қачон бўлмайлигини айта оламан. Нега бунга бунчалар ишоняпман? Чунки амаким ҳар доим камтарин бўлишга  ва ўз устимда ишлашни тахтатмасликка ўргатган. Шундагина олдимдаги мақсадларга ета олишимни тушунтирган. Бу гапларни ҳар доим ёдимда сақлайман ва жуда муҳим, деб биламан.

Суперкомпьютер Файзуллаев чемпионатни нечанчи ўринда якунлашини айтиб берди

Европадан футболчиларимиз чемпионлигига муносабат бўлди