Файзуллаев Европага кетмоқчи!

Ўзбекистон терма жамоаси ва Москванинг ЦСКА клуби вингери Аббосбек Файзуллаев Европа клубларидан бирига ўтиши мумкинлиги ҳақида гапирди.

"Албатта, Европада ўйнашни хоҳлайман. Фақат вақти келганда. Албатта, Хусановнинг трансфери биз учун ҳам туртки бўлади. Бу нафақат менда, балки бошқарда ҳам ушбу туйғуни уйғотади", - дейди Файзуллаев.

Эслатиб ўтамиз, 21 ёшли футболчи 2023 йилнинг ёзида "армиячилар" футболчисига айланганди. Россия Премьер-лигасининг жорий баҳсларида Файзуллаев 16 ўйинда қатнашиб, 2 та гол урди ва 3 та голли узатмани амалга оширди.

Унинг амалдаги шартномаси 2025/26 йилги мавсум охиригача амал қилади. Трансфермаркт маълумотларига кўра, футболчининг нархи 8 миллион евро.