Файзуллаев нуфузли жамоадан жой олди!
Европанинг аксарият мамлакатларида футбол мавсуми якунланиб, мутахассислар турли даражадаги таҳлилларни бошлаб юборган.
Трансферларга ихтисослашган transfermarkt.world портали Россия Премьер-лигаси ўйинларини таҳлил қилиб, мавсумда ўзини кўрсатган 23 нафар энг кучли футболчини аниқлади.
Бу рўйхатга уч нафар дарвозабон, саккизта ҳимоячи ва 12 нафар ҳужумкор футболчи ва форвардлар киритилди.
Эътиборли жиҳати, нуфузли портал экспертлар мавсум якунига кўра, 23 энг кучли ўйинчи рўйхатига ЦСКАдан фақат Аббосбек Файзуллаевни лойиқ кўрилди.
Ушбу рўйхат билан танишинг:
Бундан ташқари, transfermarkt.world портали мутахассислари ушбу 23 кишилик рўйхатган кирган футболчилардан мавсумнинг якуний рамзий терма жамоасини тузди.
Рамзий терма жамоа қуйидагича таркиб топди:
Дарвозабон:
Матвей Сафонов (“Краснодар”)
Ҳимоячилар:
Хулиан Алонсо (“Краснодар”), Фабиан Бальбуэна ва Дмитрий Скопинцев (“Динамо”), Александр Сильянов (“Локомотив”)
Ярим ҳимоячилар:
Эдуард Сперцян (“Краснодар”), Луис Чавес (“Динамо”), Максим Глушенков (“Локомотив”), Аббосбек Файзуллаев (ЦСКА)
Ҳужумчилар:
Константин Тюкавин (“Динамо”), Маттео Кассьерра (“Зенит”)
Эслатиб ўтамиз, Аббосбек Файзуллаев ўтган йилнинг август ойида “Пахтакор”дан ЦСКАга 500 минг евро эвазига кўчиб ўтган эди. 20 ёшли легионеримиз мавсум давомида Россия Премьер-лигаси ва мамлакат кубоги доирасида жами 32 та учрашувда майдонга тушиб, бешта гол ва 24 та ассист муаллифи бўлди.
Бугунги кунда , transfermarkt.world портали ўзбек футболчисини 5 миллион еврога баҳоламоқда.
Фикрлар