Фердинанд: "Де Хеани клубдан кетишига йўл қўйган одам ишдан бўшатилиши керак"

"Манчестер Юнайтед"нинг собиқ ҳимоячиси Рио Фердинанд клуб 2023 йилнинг ёзида нима учун дарвозабон Давид де Хеа билан хайрлашганини тушунмаяпти.

"Де Хеани ҳеч қачон қўйиб юбормаган бўлардим. Унинг клубдан кетишига нима учун рухсат берилганини тушунмаяпман. Де Хеанинг клубни тарк этишига йўл қўйган шахс ишдан бўшатилиши керак эди. "Олтин қўлқоп"ни ютган ва олти-етти йил ичида уч ёки тўрт марта жамоада энг яхши бўлган ўйинчига: "Қулоқ сол, кўришгунча," деб айтиш мумкин эмас", - деди Фердинанд Rio Reacts подкастида.

Давид де Хеа айни дамда Италиянинг "Фиорентина" клуби шарафини ҳимоя қилмоқда. "Манчестер Юнайтед" Англия чемпионатининг ортда қолган икки турида атиги 1 очко жамғарди.