Фернандеш: "Роналду хато қилганини билади"

"Манчестер Юнайтед" ярим ҳимоячиси Бруну Фернандеш 2026 йилги жаҳон чемпионати гуруҳ босқичи 5-турида Португалия терма жамоаси Ирландияга 0:2 ҳисобида мағлуб бўлган учрашувда ҳужумчи Криштиану Роналдунинг четлатилгани ҳақида гапирди.

"Қизил карточка олиш - футболнинг бир қисми. Криш шундай реакция билдирдики, бу ишида жазоланишига тўғри келди. У бундай қилишни истамади. Аммо охир-оқибат шундай бўлди. У хато қилганини билади. Эртага у бизга ёрдам бера олмайди, аммо бу четлатишдан олдин ҳам ютқазганимизни бекор қилмайди. Албатта, четлатилиш вазиятни мураккаблаштирди, чунки бизда атиги 10 киши қолди ва исталган вақтда гол ура оладиган футболчи йўқ эди", - дея Фернандешнинг сўзларини келтиради Record.

Португалия терма жамоаси саралаш гуруҳида 5 ўйиндан кейин 10 очко жамғариб, 1-ўринни эгаллаб турибди.