ФИФА жаҳон чемпионати ўйинларига ўзгартириш китиради

Халқаро футбол федерацияси (ФИФА) томонидан жорий этилаётган янгиликлар доирасида 2026 йилги жаҳон чемпионатида бош мураббий ва футболчилар танаффус пайтида телевидение учун интервью беради. Бу ҳақда The Times хабар бермоқда.

Манбага кўра, барча миллий жамоаларга эфир компанияси учун спикер тақдим этиш талабини бажаришлари шартлиги маълум қилинган.

Шунингдек, терма жамоаларга ўйин арафасида эмас, балки ўйин бошланишидан икки кун олдин матбуот анжумани ўтказиш таклиф этилади. Таъкидланишича, ушбу янгиликлар катта эҳтимол билан Европа аудиториясига мўлжалланган.

2026 йилги жаҳон чемпионати учта давлат - АҚШ, Канада ва Мексика ҳудудида бўлиб ўтади.