ФИФА Томас Тухелни мусобақалардан четлатиши мумкин

Англия терма жамоаси бош мураббийи Томас Тухел жаҳон чемпионати давомида расмий шахслар манзилига айтган очиқ танқидлари учун бир неча ўйинга дисквалификация олиши мумкин. Манбаларга кўра, ФИФА эҳтимолий жазони жаҳон чемпионати якунланганидан сўнг, ташкилот ҳимоясида ўтадиган учрашувларга нисбатан қўллашни режалаштирмоқда.

Иддао қилинишича, Тухелга нисбатан чора кўришга асос сифатида Мексикага қарши 1/8 финал баҳсидан (3:2) кейинги баёнотлари хизмат қилиши мумкин. Англия мураббийи бош ҳакам Алиреза Фагани бошқарувидан, айниқса, видеотакрордан сўнг Куанса майдондан четлатилганидан қаттиқ норози бўлган.

Англия жаҳон чемпионати ярим финалигача етиб келди. Чоршанба, 15 июль куни Тухел шогирдлари Аргентинага қарши майдонга тушади.