FIFA Туркия ва Суриядаги зилзила қурбонларига хайрия қилди

Халқаро футбол федерацияси (FIFA) ўз жамғармаси ҳисобидан Туркия ва Сурияда жабрланганларга 1 миллион доллар хайрия қилди.

Хайрия ҳар икки давлатга зудлик билан инсонпарварлик ёрдами учун мўлжалланган.

FIFA вазиятни кузатиб бориш ва зарурат туғилганда кейинги чора-тадбирларни кўриш учун ҳар икки мамлакат футбол федерациялари билан ҳамкорликни давом эттиради.

Маълумот учун, UEFA зилзила қурбонларига ёрдам учун 200 минг евро юборганди.