Флик "Барса" футболчиси келажагига нуқта қўйди

«Барселона» бош мураббийи Ханс-Дитер Флик жамоа таркибини янгилаш жараёнида бир қатор футболчиларнинг келажагини қайта кўриб чиқмоқда. Испаниянинг Sport нашрига таяниб ёзган Goal портали хабарига кўра, мутахассис режаларида ҳимоячи Алехандро Бальдега ўрин топилмаган.

Манба маълумотича, Флик чап қанот ҳимоясида асосий ишончни Жерар Мартин ва Жоау Канселуга қаратмоқда. Шу боис Бальде ҳозирча мураббийнинг тактик режаларида иккинчи даражада қолмоқда.

Ёзги трансфер ойнаси якунланиши арафасида 22 ёшли Бальдега «Манчестер Юнайтед» жиддий қизиқиш билдиргани айтилган эди. Бироқ музокаралар якунида трансфер амалга ошмаган.

2026/2027 йилги мавсум бошланганидан буён Алехандро Бальде майдонга тушиш имкониятига эга бўлмади. Тўрт учрашувда у захирада 90 дақиқадан ўтирган, яна бир ўйинда эса умуман қайдномага киритилмаган.

Transfermarkt портали Бальденинг бозор қийматини 50 миллион евро атрофида баҳоламоқда.