Флик “Барса” ўйинчисидан воз кечди

Испаниянинг амалдаги чемпиони “Барселона” ярим ҳимоячиси Марк Касадо яқинлашиб келаётган ёзги трансферлар ойнаси давомида жамоасини ўзгартириши кутиляпти.

Каталонияликлар бош мураббийи Ханс-Дитер Флик 22 ёшли футболчининг ўйини ва жонкуярлигидан мамнун, клуб раҳбарияти ҳам испанияликнинг қобилиятларини юқори баҳолайди.

Шунга қарамасдан, Sport нашрининг хабар беришича, “Барселона”да келаси ёзда футболчи бўйича таклифларни кўриб чиқишга тайёр. Флик ўйинчининг кетишига қаршилик қилмаслигини билдирди.

Жамоада ярим ҳимоячилар етарлича бўлгани сабабли, уни сотиш эҳтимоли анча юқори.

Transfermarkt портали Марк Касадонинг қийматини 25 миллион евро деб баҳоламоқда, унинг амалдаги меҳнат шартномаси 2028 йилнинг ўртасигача мўлжалланган.