Флик “Барса”да фақат бир ҳимоячига ишоняпти

“Барселона”нинг германиялик бош мураббийи жамоа таркибидаги ҳимоячилар орасида фақатгина Пау Кубарсига мутлақ ишонч билдираётгани маълум бўлди.

Diario Sport нашрининг маълум қилишича, Пау Кубарси Флик жамоасида алмаштириб бўлмас ўйинчи даражасига кўтарилган. Ёш марказий ҳимоячи ҳар қандай даражадаги учрашувда бошланғич таркибда майдонга тушиши кафолатланди.

Таркиб шакллантиришда Ханс-Дитер Фликни ўйлантираётган бошқа масала бор. Тажрибали мутахассис ҳимоя марказига Пау Кубарсининг ёнига қайси ўйинчини қўйиш бўйича бир қарорга келиши керак.

Бу позицияга узоқ муддатли даволанишдан қайтган Рональд Араухо ва яқинда 34 ёшни қаршилайдиган Иньиго Мартинес даъвогарлик қилмоқда.