Флик ПСЖдан учралган мағлубият сабабини тушунтирди

«Барселона» бош мураббийи Ханс-Дитер Флик Чемпионлар лигасида «ПСЖ»га қарши ўйинда (2:4) қайд этилган мағлубият бўйича ўз фикрларини билдирди.

79-дақиқада Ламин Ямал ҳисобни тенглаштирди ва каталонияликлар умидни яна жонлантиргандек туюлди. Аммо ўйин охирида «ПСЖ» яна икки бор гол уриб, «блауграна» учун мавсумдаги илк мағлубиятни қайд этди.

«Ўйиннинг катта қисмида яхши ҳимояландик, аммо сўнгги 10–15 дақиқада футболчиларнинг жисмоний ҳолати етарли даражада эмасди. Бу баҳона эмас, лекин ўйинга тайёргарлик кўриш учун шароитларимиз идеал эмасди.

Жуда кўп хатоларга йўл қўйдик – бундай даражада бу қабул қилиб бўлмайдиган ҳолат. Учинчи гол эпизодига келсак, Витиньянинг зарбасини тўсишимиз шарт эди. Хатолар жуда кўп бўлди. Шу боис «ПСЖ» ғалаба қозонди», – дея Фликнинг сўзларини келтиради Barca Universal.

Шу тариқа Луис Энрике бошқарувидаги жамоа гуруҳ босқичидаги уч ўйиндан сўнг тўққиз очко тўплади. «Барселона» эса олти очко билан қолмоқда.