Флик янги юлдузга ишонмаяпти

Қишки трансферлар даврида Саудия Арабистонининг “Ал-Ҳилол” клубидан ярим йилга ижарага олинган португалиялик машҳур футболчи Жоау Канселунинг ўйини “Барселона” бош мураббийи Ханс-Дитер Фликка маъқул келмади.

Германиялик мутахассис фаолияти давомида “Бенфика”, “Валенсия”, “Интер”, “Ювентус”, “Манчестер Сити”, “Бавария” ва “Барселона”нинг ўзида ҳам ўйнаган 31 ёшли футболчидан кўпроқ нарса кутган эди.

 Журналист Хуан Хименес маълумотига кўра, португалиялик футболчи мураббийнинг кутган умидларини оқламаяпти. Фликнинг “Жирона”га 1:2 ҳисобида бой берилган ўйинда Жерар Мартинни майдонга туширгани унинг Жоау Канселуга катта ишонч билдирмаётганини яна бир бор тасдиқлади.

Жоау Канселу вазиятни ижобий томонга ўзгартира олмаса, унинг Европа клубларидаги кейинги фаолияти кутилган даражада ривожланмаслиги мумкин.

Эслатиб ўтамиз, Канселу Каталонияга келганидан бери Ла Лига ва Испания кубогида бешта ўйинда майдонга тушиб, умумий ҳисобда 158 дақиқа ўйнади холос.