Фликнинг “Барса” футболчиси билан муносабати бузилди

“Барселона”нинг германиялик  бош мураббийи Ханс-Дитер Фликнинг иш услуби жамоада ҳамма ўйинчига ҳам маъқул келаётгани йўқ.

 Diario AS нашрининг ёзишича, тажрибали мутахассиснинг жамоа дарвозабони Иньяки Пенья билан муносабати яхши эмас.

Бу муаммо Пенья асосий таркибдаги жойини йўқотганидан кейин келиб чиқди. Дарвозабон бош мураббийдан нега уни захирага михлаб қўйганини сўраган эди. Футболчининг бу муносабати Фликка ёқмади.

Манбанинг таъкидлашича, бу муаммо ҳали барҳам топгани йўқ, балки алоқа аввалгидан ҳам ёмонлашган.

25 ёшли Пенья жорий мавсумда жами 22 та учрашувда иштирок этиб, олтита баҳсда дарвозаси дахлсизлигини сақлаб қолган. Флик кейинги пайтда дарвозани тажрибали Войцех Шчеснига ишониб топширяпти.