Флорентино Перес "Негрейра иши" бўйича кескин баёнот берди

“Реал” президенти Флорентино Перес “Барселона” билан боғлиқ “Негрейра иши” юзасидан яна бир бор кескин фикр билдирди.

Эслатиб ўтамиз, Каталония клуби ва унинг раҳбарияти Испания Қироллик футбол федерациясида ишлаган ҳакамлар қўмитаси собиқ вице-президенти Хосе Мария Энрикес Негрейрага тўловлар амалга оширгани учун пора беришда айбланган.

“Мен Негрейра ишини тилга олишдан тўхтамайман. Бу Испания футболи тарихидаги энг катта можаролардан бири.

Бутун дунё ҳайрон: клуб 20 йил давомида ҳакамлар қўмитаси вице-президентига пул тўлаган, аммо ҳеч нарса бўлмагандек. Ўша ҳакамлар ҳали ҳам Ла Лига ўйинларини бошқаришда давом этмоқда.

Бу ишга қарши расман чиққан ва ўз позициясини билдирган ягона клуб — “Реал”. Бу шармандали ҳолат. Биз барча ҳужжатларни тайёрлаб бўлдик ва уларни УЕФАга топширмоқчимиз.

Албатта, мен клиентелизмга қарши охиригача курашаман", — деди Перес.