Флорентино Перес яна "Реал Мадрид" президенти этиб сайланди!

"Реал Мадрид" президентлиги учун ўтказилган сайловларда Флорентино Перес ғалаба қозонди. 79 ёшли функционер овозларнинг 64,1 фоизини тўплаб, рақиби Энрике Рикельмени ортда қолдирди ва клубни 2030 йилгача бошқариш ҳуқуқини қўлга киритди.

Маълум қилинишича, Переснинг сайловолди ваъдаларидан бири бўлган Жозе Моуриньонинг бош мураббий этиб тайинланиши амалга ошган. Шунингдек, мадридликлар Ибраима Конате ва Дензел Дюмфрис трансферларини ҳам якунлаш арафасида.

Бундан ташқари, "қаймоқранглилар" яқин кунларда Майкл Олисе учун 150 миллион евродан ортиқ маблағ таклиф қилиши кутилмоқда.

Маълумот учун, Флорентино Перес "Реал Мадрид" президенти сифатида жами 22,5 йил фаолият юритган. Унинг раҳбарлиги даврида клуб 37 та соврин, жумладан 7 марта Чемпионлар лигаси бош совринини қўлга киритган.