Floyd Meyvezer navbatdagi jangini o‘tkazadi

eFight nashrining xabariga ko‘ra, Floyd Meyvezer Yaponiyada ko‘rsatmali jangda qatnashadi va unga Takashi Uchiyama raqiblik qiladi.

Uchiyama nomzodini Rizin promousheni rahbari Nobuyuki Sakakibara tanladi. Jang aynan ushbu tashkilot doirasida bo‘lib o‘tadi.

40 yoshli Uchiyama (24-2-1, 20 KO) birinchi engil vazn toifasida sobiq jahon chempioni hisoblanadi. U o‘zining so‘nggi professional janglarini 2016 yilda o‘tkazgan va ikki marta panamalik Xesril Korralesga imkoniyatni boy bergan.