Формула-1. Верстаппен Лас-Вегасда ғалаба қозониб, Норрис билан орадаги фарқни қисқартирди

Формула-1ънинг 2025 йилги мавсумининг 22-босқичи ўз ниҳоясига етди. Лас-Вегас Гран-присида "Ред Булл" пойгачиси Макс Верстаппен пойгани иккинчи поғонадан бошлаб, маррага биринчи бўлиб етиб келди. Пойга стартида биринчи қайрилишда хато қилиб, лидерликни 4 карра жаҳон чемпионига бериб қўйган Ландо Норрис финиш чизиғини иккинчи бўлиб босиб ўтди. Нидерландиялик пойгачининг бу ғалабаси унинг фаолиятидаги 69-ғалабаси бўлди. 

Шу тариқа, пойгачилар ўртасида жаҳон чемпионлиги учун курашда Норрис жамоадоши Оскар Пиастридан 30 очкога олдинда бормоқда, Макс Верстаппен эса, Ландо билан орадаги фарқни 42 очкогача қисқартирди. Навбатдаги Қатар Гран-присида "Макларен"нинг британиялик пилоти жамоадошига 12 очко, амалдаги жаҳон чемпионига эса 17 очкони бой бермаса, муддатидан олдин жаҳон чемпионига айланади.

Қатарнинг Лусаил автодромидаги босқич 28 ноябрдан 30 ноябрь оралиғида ўтказилади.