Франческо Тотти ўз фаолиятини МЛСда давом эттириши мумкин

Италиянинг “Рома” жамоаси фахрийси Франческо Тотти ўз фаолиятини АҚШнинг МЛС лигасида давом эттириши мумкин.

Sky Sports Italia нашрининг маълум қилишича, бир қатор АҚШ клублари 40 ёшли футболчига қизиқмоқда. Улар орасида “Лос-Анжелес Гэлакси” жамоаси ҳам бор.

Қайд этиш керакки, “Рим императори”нинг “Рома” билан амалдаги шартномаси 2017 йилнинг ёзида ўз ниҳоясига етади.