Францияда узбек дзюдочиларига махаллий спортчилар кўмаклашмоқда

Дзюдо бўйича Ўзбекистон терма жамоасининг "Париж-2024" ёзги Олимпия ўйинлари олдидан тайёргарлиги ўзининг авж палласида. Жамоамиз Нормандия регионида машғулотларни олиб бормоқда, дея хабар бермоқда Ўзбекистон Миллий Олимпия Қўмитаси.

Йиғин жараёнида маҳаллий спортчилар ҳамюртларимизга спарринг шерик сифатида ёрдам беришмоқда. Кодбек-лез-Эльбёф шаҳрида ўтаётган машғулотлар 25 июлга қадар давом этади. Шундан сўнг жамоамиз Олимпия шаҳарчасига жойлашиши режалаштирилган. 

Эслатиб ўтамиз, "Париж-2024" доирасида дзюдо баҳслари 27 июль – 3 август кунлари бўлиб ўтади.