Футбол тарихидаги энг қиммат 10та трансферлар

Охирги йилларда трансфер бозорида катта ўтишлар рўй бермоқда. Қуйида энг қиммат трансферлар ўнлиги билан таништириб ўтамиз. Қизиғи шундаки, охирги икки энг қиммат трансферда Неймар ва Роналдунинг номлари бошқаларга кўра, кўпроқ тилга олинган.

Неймар

Трансфер баҳоси: 222 миллион евро
Йўналиш: "Барселона"дан - ПСЖга

Айни вақтда Неймарнинг ПСЖга ўтиши футбол тарихидаги энг қиммат трансфер бўлиб турибди. Бу рекорд трансферни яқин орада бирорта футболчи янгиламаса керак. Албатта, катта трансферни амалга оширадиган жамоа УЭФА томонидан жазоланиши мумкин. Шундай бўлишига қарамай. парижликлар Неймар трансфери учун 222 миллион евро сарфлаб юборди.

Килиан Мбаппе

Трансфер баҳоси: 180 миллион евро
Йўналиш: "Монако"дан - ПСЖга

мбаппе

Бу ёш йигитчанинг трансфери ҳам жуда юқори суммани ташкил қилди. Албатта, Мбаппе жуда тезкорлиги ва майдонда бажарадиган ҳаракатлари билан дунёни хайратга солмоқда. Кейинчалик "Реал" уни янада қимматроқ маблағ эвазига сотиб олиши тайин.

Филиппе Коутиньо

Трансфер баҳоси: 120 миллион евро
Йўналиш: "Ливерпуль"дан - "Барселона"га

коутиньо

"Ливепуль"да ажойиб ўйинлари билан "Барселона"ни назарига туша олган Коутиньонинг каталонияликлар сафидаги ишлари юришмаяпти. Бироқ "Барселона" илгарироқ унга қизиқиш билдирди ва бу трансфер учун 120 миллион евро сарфлаб юборди. "Ливерпуль" эса унинг трансферидан анча пул ишлаб олиб, таркибдаги айрим муаммоларни янги футболчиларни сотиб олиш учун Коутиньо трансферидан тушган маблағни сарфлади.

Поль Погба

Трансфер баҳоси: 105 миллион евро
Йўналиш: "Ювентус"дан - "Манчестер Юнайтед"га

погба

Франциялик иқтидррли футболчи "Манчестер Юнайтед"га қайтиши инглиз клуби учун жуда қимматга тушди. "Ювентус" Погба трансферидан 105 миллион евро ишлаб топди. Инглиз клуби бу трансферни амалга ошириш учун маблағни аяб ўтиргани йўқ. Жозе Моуриньо иш юритаётган вақтида Погба борасида танқидлар кўпайиб кетган эди. Оле - Гуннар Сульшер келганидан сўнг, Полнинг ўйинларида ўзгариш амалга ошди ва трансфери учун ишлатилган маблағларни оқлашни бошлаб юборди.

Усмон Дембеле

Трансфер баҳоси: 105 миллион евро
Йўналиш: "Боруссия Д"дан - "Барселона"га

дембеле

"Барселона" томонидан амалга оширилган навбатдаги катта трансфер ҳисобланади. Дортмунднинг "Боруссия" клубида ном чиқариб, Испанияга кўчиб ўтган Дембеленинг айни вақтда каталонияликлар сафидаги ишлари юришмаяпти. Худди Коутиньо сингари. Дембеле кўп жароҳат олмоқда ва доимий асосий таркибдан жой ололмаяпти. Аммо, клуб унга 105 миллион евро сарфлаб бўлди.

Гарет Бэйл

Трансфер баҳоси: 101 миллион евро
Йўналиш: "Тоттенхэм"дан - "Реал"га

гарет

"Реал" томонидан амалга оширилган энг қиммат трансфер айнан Бэйл билан боғлиқдир. Клуб "Тоттенхэм"дан Гаретни сотиб олиш учун 101 миллион евро сарфлаган. Ҳозирги кунга келиб, уэльслик футболчининг "Реал"даги фаолияти бир текисда кечмаяпти. Сўнгги вақтларда унинг "Реал"дан кетиши борасидаги миш-мишлар тобора авд олмоқда.

Криштиану Роналду

Трансфер баҳоси: 100 миллион евро
Йўналиш: "Реал"дан - "Ювентус"га

роналду

Португалиялик юлдузнинг "Ювентус"га ўтиши ўтган ёзги трансфер бозорининг шов-шувли воқеасига айланди. Роналдунинг "Реал"дан кетиши ва фаолиятини Италияда давом эттиришини ҳеч ким сира кутмаганди. "Ювентус" 33 ёшли чарм тўп устаси учун 100 миллион евро сарфлаб юборди. Ҳозирги келиб эса Роналду ўзига ишлатилган маблағларни оқлашни бошлаб юборди ва Италия А Сериясида ҳам голлар киритишда давом этмоқда.

Криштиану Роналду

Трансфер баҳоси: 94 миллион евро
Йўналиш: "Манчестер Юнайтед"дан - "Реал"га

2009 йилда Роналдунинг "Реал"га ўтиши футбол тарихидаги энг қиммат трансферга айланган эди. Ўшанда мадридликлар 94 миллион евро сарфлаганди. Бу ўша вақтдаги рекорд даражадаги маблағ ҳисобланарди. Кейинчалик Бэйлнинг "Реал"га келгунига қадар, Кришнинг трансфери футбол тарихидаги энг қиммат ўтиш сифатида қараларди.

Гонсало Игуаин

Трансфер баҳоси: 90 миллион евро
Йўналиш: "Наполи"дан - "Ювентус"га

гонсало

Турин клубининг омадсиз трансферларидан бири. Игуаин учун сарфланган 90 миллион евро аргентиналик учун ортиқчалик қилди. "Ювентус" Гонсалони ижара асосида бошқа клубларга беришда давом этмоқда. У ҳалигача "Наполи"да намойиш этган ўйинини кўрсата олганича йўқ.

Неймар

Трансфер баҳоси: 88,2 миллион евро
Йўналиш: "Сантос"дан - "Барселона"га

Неймарнинг Европага йўл олиши шундай даражада амалга оширилган. "Барселона" Неймар учун 88 миллион евродан зиёд пул сарфлади. "Сантос" унинг ортидан мўмай даромадга эга бўлди. "Барселона"да бразилиялик футболчининг ишлари юришиб кетди. Кейинчалик ПСЖдан тушган алқбовар қилмас таклиф сабабли, каталонияликлар Неймарни сотиб юборишга қарор қилди.

Фикрлар

Фикр қолдириш учун авторизациядан ўтинг!