Futbolni tark etgan posbon “Barselona” darvozasini egallamoqchi

“Barselona”ning asosiy darvozaboni Mark-Andre ter Shtegen jarohat olib, uzoq muddatga safdan chiqdi.

Tibbiy tekshiruvlar tajribali nemis golkiperining bir necha oy maydonga qayta olmasligini tasdiqladi.  

Mashhur chililik darvozabon Klaudio Bravo yana “Barselona” darvozasini egallash uchun futbolga qaytishiga tayyorligini bildirdi.

- Agar “Barselona”ga kerak bo‘lsam, men jamoaga qaytishga tayyorman, - dedi Klaudio Bravo.

Bravo Chilining “Kolo Kolo” jamoasi tarbiyalanuvchisi hisoblanadi. Evropaga 2006 yili kelib, “Real Sosedad” tarkibidan joy olgan. 2014-2017 yillarda “Barselona” Bravoning xizmatlaridan foydalandi.

Keyinchalik “Manchester Siti” va “Betis” darvozasini qo‘riqlagan posbon shu yozda professional faoliyatini tugatgan edi. 41 yoshli golkiper “Barsa”ga yana o‘z xizmatlarini taklif qilyapti.