Футзал бўйича терма жамоамиз Қозоғистонга қарши иккита ўйин ўтказади

Ўзбекистон футзал терма жамоаси тез орада Қозоғистонга жўнаб кетади. Чунки у ерда ўқув-йиғин машғулотини ўтказиши доирасида Қозоғистон футзал терма жамоаси билан иккита ўртоқлик ўйин ташкиллаштирилиши ҳам режалаштириб қўйилган.

ЎФА матбуот хизматининг хабарига кўра, мазкур беллашувлар 14 ва 15 декабрь кунларига мўлжалланган. Шу сабабдан Ўзбекистон футзал терма жамоаси бош мураббийи Баҳодир Аҳмедов футзалчиларнинг кенгайтирилган рўйхатини эълон қилди. Унда 14 нафар футзалчи ўрин олган.