Футзал миллий терма жамоамиздан нохуш хабар!

Осиё кубоги олдидан Ўзбекистон терма жамоаси таркибда йўқотиш. Терма жамоамизнинг асосий дарвозабони Равшан Элибоев Қозоғистонга қарши баҳсда кичик жароҳат олган эди. Таиланддаги тайёргарлик жараёнида ушбу жароҳат дарвозабонимизни яна безовта қилди. Ўтказилган чуқур текширувлар натижасида ва жамоа шифокорларининг тавсиясига кўра Элибоев ушбу турнирда майдонга туша олмаслиги маълум бўлди. 

Осиё кубоги қайдномасида унинг ўрнини Суннатжон Анваров эгаллайди. Бу ҳақида ЎФА хабар берди.