Галледа биринчи ярим финалчи аниқланди

Германиянинг Галле шаҳрида майсали қопламада ўтказилаётган мусобақанинг дастлабки ярим финалчиси аниқланди. Бугунги кун баҳслари доирасидаги илк тўқнашув италиялик Маттео Берреттини россиялик Карен Хачанов ўртасида кечди.

1 соат, 31 дақиқа давом этган баҳс Берриттинининг 6:2, 7:6 ҳисобларидаги ғалабаси билан якунланди. Италиялик ракетка устаси финал йўлланмасини қўлга киритиш учун Давид Гоффен ва Александр Зверев ўртасидаги баҳс ғолиби билан кортга чиқади.