Гарсия: "Дунёдаги энг яхши клуб учун ҳар қандай рақам остида ўйнашга тайёрман"

"Реал Мадрид" форварди Гонсало Гарсия жамоадаги рақам танлови ҳақида фикр билдирди.

"Менинг агентим мавжуд вариантлар ҳақида маълумот берди, лекин мен учун асосий мақсад – биринчи жамоа билан шартнома тузиш эди. Рақам эса иккинчи даражали. Асосийси – дунёдаги энг яхши клуб учун ўйнаш, қайси рақамда бўлишидан қатъи назар", – дея Гарсиянинг сўзларини келтиради "Diario AS" нашри.

Жорий мавсумда 21 ёшли ҳужумчи Испания чемпионатида 3 та ўйинда майдонга тушди, аммо ҳали ҳеч қандай гол ёки ассистни ўз ҳисобига ёздириб қўя олмади

Футболчининг "Реал" билан шартномаси 2030 йил июнигача амал қилади. Transfermarkt мутахассислари испаниялик ҳужумчининг бозор қийматини 8 миллион еврога баҳолаган.