Гендузи Мбаппе ҳақида: "У ўзи хоҳлаганини қилади"

Франция терма жамоасининг ярим ҳимоячиси Маттео Гендузи ҳужумчи Килиан Мбаппенинг хатти-ҳаракати ҳақида ўз фикрини билдирди.

- Биз у билан гаплашдик. У ҳали тайёр эмас. Мбаппе ўз мамлакатини севади ва бизга ёрдам беришда давом этади. Бу ҳақда жуда кўп гапиришимиз хато. У ҳам яшаши керак. Бу унинг ҳаёти, хоҳлаган ишини қилади, - деди Гендузи.

Эслатиб ўтамиз, аввалроқ оммавий ахборот воситаларида Франция терма жамоасининг Исроилга қарши ўйин (4:1) пайтида 25 ёшли футболчи Швециядаги тунги клубда бўлгани ҳақида маълумот пайдо бўлган эди. Бунгача у жароҳатидан тузалиб кетиши учун Дешамдан терма жамоага чақирилмаслигини сўраган эди.